Kulturikkut ilanngutassiisussat toqqarneqarput
Canadami illoqarfimmi Yellowknifemi upernaamut Arctic Winter Gameseqarnissaannut nunatsinniit kulturikkut ilanngutassiisussat inuusuttut arfinillit toqqarneqarput.
Allattoq Mads Lynge
Inuusuttut arfinillit NAPA-mit toqqarneqarsimasut ukuupput:
Hans Henrik Poulsen 13-inik ukiulik Qeqertarsuarmioq, Aasianniit Erine Petrussen 15-inik ukiulik, Nuummeersullu Sofie Aamundsen 15-inik ukiulik, Marie Kahlig 17-inik ukiulik, Alexander Montgomery-Andersen 19-inik ukiulik kiisalu Maliina Jensen 17-inik ukiulik.
Ukioq manna Arctic Winter Gameseqarnissaanut ilaasussat tamarmik qitinnermik nuannarisaqartut, pikkoreqisut, sulerusussuseqarlutillu eqqarsariallaqqeqisut NAPA-miit oqaatigineqarpoq. Kalaallit Nunaanniit aallartitaalluarnissaat aamma NAPA-miit ilimagineqarpoq.