Kulturi pillugu ataatsimeersuartoqalerpoq

Kultureqarneq pillugu Nuummi Katuami isumasioqatigiinneq ullumi aallartippoq.
Allattoq Najaaraq Egede
decembarip 06-at 2008 17:08

Isumasioqatigiinnissamik aaqqissuisuupput Kultureqarneq pillugu Siunnersuisoqatigiit aamma Kultureqarnermut, Ilinniartitaanermut, Ilisimatusarnermut Ilageeqarnermullu Naalakkersuisoqarfik.

Kultureqarneq pillugu siunnersuisoqatigiit ilaatigut isiginnaartitsisartunik, nipilersortartunik, atuakkiortunik, eqqumiitsuliortunik, filmiliortartunik aamma erinarsoqatigiinnik ilaasortaqarpoq.

Siunnersuisoqatigiit erseqqissumik takussaasumillu kultureqarnermut tunngatillugu politikkeqalernissaq anguniarpaat. Taamaattumik aamma qanoq kultureqarneq pillugu siunissami suliniutinik ingerlatsinissap suleqatigiillu qanoq ingerlariaaseqarnissaat pilersaarusiorfigineqassapput.

Kultureqarnermik suliallit peqataaffiisa assigiinngitsunik sammisallit kattuffiliornissaat aamma siunnersuusiorfigineqassaaq.

Isumasioqatigiinneq aqagu sapaammi nanginneqassaaq, tassani siunissamut pilersaarusiorneq saqqummiunneqassalluni. Aamma isumasioqatigiinneq pillugu nalunaarusiortoqassaaq, taamaalilluni nalunaarusiaq 2004-meersoq nutarsarneqartussanngussaaq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq