Kangiata kujataa sisamanngorpat piteralissaaq
Kiattup anorersua Nicolemik taaguutilik Nunatta tungaanukarpoq.
![piteraq Thomas Kristensen Taasilaq](/sites/default/files/styles/image_934x467/public/article_images/piteraq_2.jpg?itok=-TcdOSIM)
piteraq
Allattoq Karsten Sommer
Kiattup anorersua Nicole Nunatta tungaanukarpoq. Taamaattumik kangiata kujataani sisamanngorpat piteralernissaa ilimagineqartoq DMI ullumikkut allappoq.
Nicolep sumiiffinni arlaqartuni anori nillertoq sermersuup tungaanit kangerlunnut naqissavaa. Taamaalineratigut anori sukkatsisissaaq, anorersuartitsilissalluni, ulussaarsuartullu sakkortutigisumik anoraasuasassalluni.
Tasiilamili piterarnissaa maannakkut ilimanagineqanngilaq. Nicolemi Tasiilamut apuukkuni anorikillisimassasoq, DMI-p ilimagaa.
Nicolep ippassaq Newfoundlandip ippassaq kujataani-kangisissuaniinnerani sekundimut 33 meterinik anorlerpoq, tassalu ulussaarsuartut sakkortutigaluni.