Innuttaasut 15-it sinnerlugit ukiullit tamarmik tarrarsortikkiartoqqullugit kaammattorneqarput. Kikkulluunniit misissortinnissaat pingaaruteqarpoq – tuberkuloseqarluni aamma pasitsassimanngikkaluarluni, Namminersornerullutik Oqartussat erseqqissaapput.
Puakkulli ukiut kingulliit marluk ingerlaneranni tarrrarsortissimagaanni, tuberkuloseqarsimanngikkaannilu, tarrarsortinnissaq pisariaqanngilaq.
Naartuguit ernereeeruit aatsaat tarrarsortissinnaavutit.
Meeqqat atuartut kassip qaffasissusia aalajangersimasoq malillugu aaversittassapput.
Kujataani innuttaasunik misissuinermut pissutaavoq, maannamut iliuuserisimasat pitsaavallaarsimanngimmata. Ukiuni tallimani kingullerni tuberkuloseqartut ukiumut 78-it naammattoorneqarsimapput, nunanilu siuarsarniakkani arlalinni innuttaasut 100.000-it akornanni 140-t missaat tuberkuloseqartarput, taakkununngalu Kalaallit Nunaat nallersuunneqarsinnaalersimavoq.