Kujataani sumiiffiit sisamat eriagisassatut innersuussutigineqassapput
Nunatta Kujataani sumiiffiit sisamat eriagisassatut UNESCO-mut innersuussutit nunatta nassiutissamaarpai. Sumiiffiit qallunaatsiaaninngaanniit ukiut 900-kkut naaneranniit maannamut kalaallit qallunaatsiaatulli savaateqarlutik ingerlatsinerannut nunalerinermut tunngassuteqarput.
Suliniut taaguuteqarpoq Ukiuni 1000-ini Issittumi nunalerinermi kulturi.
Nunatta Katersugaasiviani pisortap Georg Nygaardip oqaatigaa qinnuteqaat februaarimi aatsaat nassiunneqartussaagaluartoq. Suliassalli assigiinngitsut peqqutigalugit qinnuteqaat aatsaat 2010-mi nassiunneqassaaq.
Georg Nygaardip Issittumi nunalerinermi kulturi ukiuni 1000-ini qaqugu nunarsuatsinni eriagisassat allattorsimaffiannut ilanngutissanissoq eqqoriarsinnaanngilaa.
UNESCO-mut qinnuteqaat Danmarkimi Kulturarvsstyrelsen aamma Kulturministeriet aqqutigeqqaassavaat, styrelsimilu vicedirektørip Anne Mette Rabækip oqaatigaa kalaallit ”nunarsuarmi eriagisassanut allattorsimaffimmut ilannguteqqinnissaat periarfissagissaarluartut.
