Kujataani savanik piniartalersimapput

Savanik piniarneq inerteqqutaalluinnartuusoq, inuit ilaasa paasisimagunanngilaat. Narsap Qaqortullu akornani savaateqarfimmi Kingittumi savat piniarneqartalersimasut piffissami kingullermi paasinarsivoq.
Allattoq Louise M. Kleemann
decembarip 11-at 2008 12:40

- Savaateqarnermi Nakkutiliisut tungaannit erseqqissassavarput aallaasersorluni savarniarneq nuna tamakkerlugu inerteqqutaalluinnarmat, uumasuuteqarnermi nakkutilliisuni siulittaasoq, Otto Nielsen oqarpoq. Taassuma erseqqissarpaa savanik toqoraaneq akiliisitaanermik kinguneqarsinnaammat.

Qaqortumi politiit savarniartoqarsimaneranik nalunaarfigineqarsimapput, nlunaarutigineqartoq pisuutinneqassappat, savamut ataatsimut 1.500 koruuniniit 3.000 koruuninut akiligassiisoqarsinnaavoq.

Savaateqarfik Kingittumiittoq siornaalli savaatikinnerulerniarluni suliniuteqarpoq. Erseqqissaatigineqarporli savat pigineqarmata.

- Imaanngilaq kialluunniit pisarisinnaagai. Inuttaata silagissippat ukiunnginnerani katersunngitsuukkat katersoqqilissavai, Otto Nielsen erseqqissaavoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq