Kujataani kultimik nassaarput
Niaqornaarsuup Qeqertaasaani katersat arlaleriarlugit misissorneqareerput, tamaanilu kuulteqarluarnera takuneqarsinnaavoq.
- Suliassap pilersaarusiorneqarnerani tassani qillerinitsinni siullerni inernerit kusanartut nuannaarutigeqaavut. Qillerivitsinni siullerni arfiniliusuni, sisamani kuulteqartoq ilimatsaapparput. Qillerivitta siulliup tulliani, qillerivimmi normu 2-mi, kuulteqarfingaatsiarsuaq nassaaraarput, tassa qillerivitta naqqani kuulteqarfeqarpoq. Taamaammat tamaani suli arlaleriarluta qillerinissarput siunniupparput, taamaalioruttami kuulteqarfik qanoq siaruarsimatiginersoq immaqa paasisaqarfiginerussavarput, NunaMineralsimi pisortaaneq, Ole Christiansen, oqarpoq.
Misiliutissat takujuminartut katillugit 39-t misissoqqitassanngorlugit immikkoortinneqareerput.
- Misissugassat taakku nassiunneqarnissaannut piariilerpugut, taakkulu canadamiut suliffeqarfiutaanni, Actlabs-imi, Aucasterimi Ontariomiittumi misissoqqinneqassapput. Misissuinerit pereerpata qillerinissat tulliuttut pilersaarusiorsinnaanngussavavut, NunaMinerals tusagassiuutinut allappoq.
