Kujataani kinguussaasoqassanngilaq

Komuuninik kattussuussinissamut atatillugu kujataani kommuninngortussami allannguutissat suli takujuminaapput. Taqqavani siunertaavoq illoqarfiit pingasut tamarmik allaffissornikkut qitiussaasut.

Pilersaarutaagallartut naapertorlugit Nanortalik, Narsaq Qaqortorlu tamarmik assigiimmik allaffissornikkut qitiusumik ingerlatsiviussapput. Taamaasillutik illoqarfinni kommunip allaffiini sulisooreersut amerlassusaat nikisinneqassanngillat suliaallu allanngortinneqaratik. Taamaassappammi ingerlatsinermi allaffissornermilu allanngortitsinissarsuaq sumiittoruna? Apeqqummut tassunga Nanortallip borgmesteria Kristine Raahauge akilluni oqarpoq siunertaasoq kujataani kommunini pngasuni kattuttussani ineriartorneq assigiimmik ingerlanneqassasoq aammalu Namminersornerullutik Oqartussanit oqartussaaffiit tunniunneqartut illoqarfinnut pineqartunut assigiimmik agguaanneqassasut.