Kujataani inuusuttut pisoqatigiipput

Kujataata kommunerujussuanngornissaanut piareersarlugit inuusuttut aamma suleqatigiinnissaq ilinnialertariaqarpaat, taama isumaqarput Narsami pitsaaliuisoq Nanortalimmilu miljøarbejderit.

Bolethe Stenskov, Narsami pitsaaliuisoq ima oqarpoq.

- Siunertarivaa ukua inuusuttuaqqat misilissallugu, angusaqarusukkaanni sapernanngitsoq, taavalu imminut tatiginerulernisaat amma tassaniitinneqartarpoq. Kisianili aamma pinngortitap atorluarneqarnissaa.

Qassinik ukiuoqarpat?

Tassa 15-ninngaanniit 18-it tikillugit kisianni amerlanerit inuusuttuaraapput 15-nik ukiullit.16-17-t.

Sooq Narsaq Nanortalillu ikioqatigiippat?

Tassa ukiut siuliini immikkut ingerlasarnikuugatta. Nanortalimmiut angalaatitsisarput taava amma uagut Narsarmiut nunakkut pisutsitsisarpugut inuusuttunik.

Taava kommunrujussuanngornissatsinnut atatillugu suleqatigiinnissaq qanillisarlugu, ukioq manna Nanortalimmiut siunnersuutigeriarmassuk angalasussanngorlutik Akuliarusiminngaanniit Ammassivimmut taava uagut Narsaminngaanniit peqataaffigilerparput aamma.

Peqataasussaat qassiuppat?

Maanngaaniit arfineq-marluk taava aamma Nanortalimminngaanniit arfioneq-marluk, taava soorunami inersimasunik ilaqartussaassapput.

Taanna pisuffissaat qanormitaava takitigiva?

Nunap assinga malillugu 50 km-iuvoq, kisiannili pisuffiuminarnerusutut inissisimallugu, uagut pisuffigisartagarput maangaanniit Qassiarsummut imaluunniit Igalikuminngaanniit Qaqortumut orpikkallu nunataalu isigissagaanni maannakkut pisuffissaat ajornannginnerusutut takorloorpaat aamma Nanortalimmiut Narsarmiullu taanna aqqutigissallugu aatsaat misiliilerput.

Pisuffissaannik ilisimannittunik ilaqassapput?

Tassa taamaappoq ilaasussat ilai nunakkut pisoqataallutik misileereernikuupput. Taava ukua aqutsisui uagut ukiut qulit missaanni misilittagaqarfigereeratsigit sapinngilluinnartorsuussavaat ingerlaffissartik,

taama oqarpoq Bolethe Stenskov, Narsami pitsaaliuisoq.

Narsap Kommunia Nanortalimmilu suliffeqarfiit ilai pilersaarummut aningaasaliisuupput.