Kujataani innuttaasut qinnguartarneqassapput
Umiarsuuaraq Minna Martek, kujataani angalanini aallartillugu Qassimiunut aqagu ullaakkut tikissaaq, tassanngaanniillu Nanortallip, Qaqortup Narsallu nunaqarfiini angalassalluni.
Umiarsuaaqqap Minna Martekip kujataani nunaqarfinnut tikiffissai, KNR-ip TV-atigut takuneqarsinnaassasut, Namminersorlutik Oqartussanit ilisimatitsissutigineqarpoq.
Innuttaasut 15-ileersimasut nunatsinni nakorsaaneqarfimmit kaammattorneqarput, sakialluummik nappaateqarnerlutik misissortinnissaannut, napparsimasutut misigisimanngikkaluarunilluuniiit. Naartusut ernereerunik aatsat tarrarsortinnissinnaasut nakorsaaneqarfimmit ilisimatitsissutigineqarpoq.
Meeqqat 15-it inorlugit ukiullit atuarfimmi aaversillutik misissortissapput.
Ukiuni kingullerni tallimani sakialluummmik nappaateqalersartut ukiumut 71-iupput, taamaasilluni Kalaallit Nunaat nunanut ineriartorfiusut akornannut inissippoq, nunatsinni nakorsaaneqarfik tusagassiuutinut nalunaaruteqarluni taamatut allappoq.