Kujataani ilinniarnertuunngortut: Unikkallarneq, aquttunngorniarneq umiartornerlu tullinnguupput

Campus Kujallermi GUX-imi ilinniartut 32-t ukiut pingasut atuareerlutik ilinniarnertuunngorput, taakku ilaat unikkallassapput ilaallu ingerlariaqqiffiusunut ilinniaqqilertussaapput.

Campus Kujallermi GUX-ertunut naammassisunut tallimanngormat nasanik agguaassisoqarpoq.

Ilinniarnertuunngortut 32-t, arnat 20-t angutillu aqqaneq marluk.

-Nuanneqaaq oqiliallannaqaaq, Pilu Josefsen oqarpoq. Taanna inuussutissarsiutigalugu ilinnialinnginnermini unikkallarniarluni aalajangerpoq.

-Massakkuunngitsoq, siusigigakkit ukua ingerlariaqqiffissat massakkut. Adventure guide eqqarsaatigigaluarakku seeqquleritittussaagama aporfigigakku, taanna oqarpoq.

Freyja Stefánsdóttir tuttuuteqarfimmi Isortumeersoq sumut ingerlariaqqissanerluni aalajangiutereersimavaa.

- Massakkut nunarsuaq angalariarlugu, pilotinngorniarlunga aallartikkumaarpunga.

-Tassa mikigallarama ilitsoqqussarigakku helikopterimik tuttunik ungoorisugut, tassa taamanili pilotinngorniarusulernikuuvunga.

Hans Jakob Frederiksen aamma arlalinnik pilerigisaqarpoq.

-Aappaagu februaarimi Georg stagemut qinnuteqassamaarpunga, tassanngaaniit immaqa aamma imarsiornermik ilinniarfimmut.

Campus Kujallermili GUX-imi inuiaqatigiilerinermik aningaasarsiornermillu ilinniartitsisup ilinniartitarisimasani maqaasisussanngorpai.

-Ukiut tamaviisa soorunami erlinnartaqaat, aap, unganartaqaat qimalliginarlutik, nuannernermik ullut tamangajaasa takusarlugit, qanillinikuullugit ilisarisimallugit.

Ilinniarnertuunngortulli aasarsiornissaminnut piareerput, Louise Kolby oqarpoq.

Taanna pillugu Qanoruup ilanngutassiaa qulaani isiginnaarsinnaavat.

 



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl