Kujataani borgmestereqatigiit
Narsap, Qaqortup Nanortallillu borgmesteriisa, borgmestereqatimik Nuummi marsip aappaani ataatsimeereerlutik oqaaseqaataat isumaqatigaat.
Borgmestereqatigiit taamani kommunit aaqqissuuteqqinnissaannut ataatsimiititaliap isumaliutissiissutaa tunngavigalugu anguniakkanik nutaamik nalilersuinissaannik inassuteqarput.
Borgmesterit isumaqarput kommunit qassiunissannik aalajangiinissaq aatsaat pisinnaasoq, apeqqutit tikkuarneqartut nalilersorneqareerpata.
Ilanngullugu inassutigaat peqqissaaneq angerlarsimaffinnilu napparsimasunik isumaginninneq misissuiffigineqassasut. Sullissisut Peqqinnissaqarfiup atorfinitsitarai.
Ilaqutariit kommunimut allaamut nunnerat akornutiginagu meeraasa Perorsaanermik Siunnersarfimmit PPR-mit, tapersorneqarnissaat missoqquneqarpoq. Aammalu meeqqat atuarfiisa illutaasa iluarsaanneqarnerini kinguleruttoorutit iluarsiivineqaqqaartariaqarnerarpaat.
Kujataamioqatigiit borgmesteri silarlummik Nuuliarsimanngitsut 6. - 7. marsi Narsarsuarmi ataatsimiipput.
