Kujataani arnat amigaataapput

Nunatsinni arnat ilinniarluarsimasut illoqarfinnit nunaqarfinnillu minnernit qimarrapput. Pingaartumik nunaqarfinniit illoqarfinni annernut nutsertarput ilaallu allaat nunarput qimallugu aallartartut, AG ullumi saqqummersoq allaaserinnippoq.
Allattoq Louise M. Kleemann
maajip 29-at 2008 10:16

Roskilde Universitetscenterimi professori Rasmussen Ole Rasmussen Nunat avannarliit suleqatigiiffiat sullillugu, Kujataani innuttaasut nuttartarnerannik misissuileruttorpoq, maluginiarpaalu arnat angutillu amerlaqatigiinngitsorujussuanngorsimasut, allaallu arnat amigaataasut oqaatigalugu.

Taamaalilluni Nanortalimmi arnaq 84-it, Qaqortumi 142-t Narsamilu 75-it amigaasaapput. Amigaataasullu tassaapput arnat meeqqiorsinnaasut 20-t 50-illu akornanni ukiullit, Rasmus Ole Rasmussen oqarpoq.

- Arnat ilinniarlutik misilitsinnerni angutinit angusarinnerusarput, tamannalu illoqarfinni minnerni atorfillit arnaannangajaasarnerannik kinguneqartarpoq – uffa arnat amigaataagaluartut. Amerlanerussuteqartut tassaasarput angutit ilinniagaqanngitsut imaluunniit sivikinnerusumik ilinniagallit, professori oqarpoq.

Illoqarfinni minnernit arnat nuttartarnera unikaallatsissagaanni naligiissitsinerusoqartariaqartoq, ilisimatooq oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq