Kujataani anorersuassammat politiit mianersoqqusipput
Sapaatip akunnerata naanerani Kujataani anorersuuarujussuarsinnaasoq DMI nalunaarpoq, sapaatiuppat ullaamiit ualiartorneranut sakkortunerpaaffeqartussamik, anori sakkortunerpaagaangami sekundimut 55 meterisut sukkatigisarsinnaavoq.
Tamanna pillugu Kujataani politiit Kommune Kujalliup teknikkeqarfia qatserisartullu peqatigalugit innuttaasut piumaffigaat silamiittuutitik isumannaatsumik inisseqqullugit anorersuarmiit tingitaaqqunagit.
Anorersuarujussuarnerani aserortertoqassagaluarpat suliffeqarfiit arlallit piareersimapput pinartoqartillugu aaqqissuiartorsinnaasutut, tassa sarfalerisut, ruujorilerisut sanasullu.
Suliffeqarfiit taakku attavigineqarsinnaapput politiit pigaartuat attaveqarfigalugu.
Innuttaasut umiarsualivinni angallataatillit angallatiminnik ajutoortoqartinnagu isumaginneqquneqarput, Bent Ole Kleist Region Kujataani politikommissæri taama nalunaaruteqarpoq.