Kræftimik toqquteqartartut USA-mi ikiliartorput

Kræftimik napparsimallutik USA-mi toqusartut maanna ikileriarujussuarsimapput, taamaalilluni ”kræftimut akiuiniarneq maanna saqipporlusooq” kræfti pillugu USA-mi suliffeqarfimmi pisortaaneq taama oqarpoq.
oktobarip 15-at 2007 15:32

Kræftimik 2002-miit 2004-mut toqquteqartut uani pineqarput, nappaassuarmullu kræftimut akiuiniarnerup saqittutut paasisimannilluartut naliliinerannut taanna aallaaviuvoq. Kræftimik 2002-miit 2004-p tungaanut toqusartut procentinik marlunnik ukiumut ikileriarsimapput.

Angutit puammikkut, quup aqqutaatigut erlukkullu kræfteqarlutik toqusartut ikileriarsimasut naatsorsueqqissaarnerit ersersippaat. Arnat iviangimikkut inalukkakkullu kræfteqarlutik toqusartut ikileriarnerpaasimapput, arnallu puammikkut kræfteqalersartut siusinnerusumiit arriitsunnguamik amerliartorput.

Ilisimatuut tamatumunnga pissutaasoraat pujortartarneq maanna nakkutigineqarnerulersimammat, misissuisarneq siusinnerusukkut aamma pisalersimavoq, katsorsartittarnerlu pitsaanerulerlunilu sukumiinerulersimalluni.

Paasisimasaqarluartut aamma oqarput ivianngikkut kræfteqarlutik toqusartut ikiliartornerannut pissutaasoq hormoninik atuisarnerup appariartornera.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq