Kræftertut Kina-liaqqaartariaarupput
Maannali taama ungasitsigisumut angalanissaq pinngitsoorsinnaalerpoq, tassami Rigshospitalimi nakorsaanerit ilaata, qinngap iluartigut kræftertunik suliaqarneq ilinniareerpaa.
Birgitte Charabi siutit, qinngat qungatsillu pillugit nakorsaaneruvoq. Taanna Hong Kong-imeeqqammerpoq, tassani katsorsaasut malinnaaffigalugit ilinniarfigalugillu.
Tamatuma kingorna Nunani Avannarlerni nakorsat siullersaattut, qinngakkut kræfteqartumik suliaqarpoq. Suliaritittoq Nunatsinnersuuvoq. Inuit Nunatsinneersut Danmarkimut naleqqiullugit qinngami ilusigut kræftemik nappaateqakkajunnerupput.
- Qinngap iluatigut kræftertumik suliaqarneq siulleq iluatsilluarpoq, naak suliaq unammillernaraluartoq. Taamaattoq iluarisimaarnarpoq ingammik napparsimasup suliaritinnini ajorani qaangermagu, Birgitte Charabi oqarpoq.
- Kalaallit Nunaanniit Hong Kongimut angalaneq taama sivisutigisumik pisartoq eqqarsaatigalugu, kalaallit suliaritittussat taamaallaat Rigshospitalimi suliaritittalernissaat nuannaarutigiinnarsinnaavara, aammami uangut maani Rigshospitalimi pisussaaffeqaratta kalaallit suliarisarnissaannik. Birgitte Charabi oqarpoq.
