Krosa Kinap sineriaanut annguppoq
Ulussaarsuaq Krosa Kinap kujammut-kangisissortaata sineriaanut anngummat kiniiserit 1 millioninit amerlanerusut qimagussorneqartariaqarsimapput. Ulussaarsuup taassuma Taiwan aqqusaalutorimmagu inuit tallimat ajunaarput.
oktobarip 07-at 2007 14:39
Ulussaarsuaq nalunaaquttap akunneranut 126 kilometerinik sakkortussusilik Kinami provinsinut inuttoqisunut Zhejiangimut Fujianimillu ungasinngitsukutkut anngutissangatinneqarpoq, nutaarsiassaqartitsivimmut Xinhuamut taama ilisimatitsipput Kinami silasiorfimmeersut.
Ulussaarsuaq Krosa maanna sakkukillilaarpoq, kiattup anorersuatut sakkortussuseqaliinnarluni, Kinamili oqartussaasut tupinnanngitsumik sillimmartaarusupput, umiarsuillu titusindtilikkaat umiarsualivinnut tulannissaat naalakkiutigereersimallugu. Kinami Imarsiornermik Qullersaqarfiup mianersoqqussutigaa umiarsuit aqukkuminaallisinnaanissaat, anorersuarujussuarnerata nalaani mallit meterit qulingiluat missaannik portussuseqalertarsinnaassammata.
