Kunngissap nuliata ernini malersorunnaaqqungaa
Inuuissiortoq Marius Borg Høiby pingasunilli ukioqarluni norgimi inunnit amerlanernit ilisimaneqarpoq. Arnaami Mette-Marit kunngissamut katissimavoq, taamaattumillu ernera nammineq piumassuserinngisaminik tusagassiuutinut norgemiunullu soqutiginaateqalerpoq.
Taamanili tassa nukappiaraq soqutigineqalerpoq. Maannali kunngissap nuliata tamanna naammagilerpaa.
- Ingerlasimanermi ukiuni kingullerni ineriartortoqarsimavoq uanga anaanatut aqqusaarusussimanngikkaluakkannik. Norgimi tusagassiiuutit ilaannit Marius kimigiiserfigineqartarpoq; isumaqarpunga tamakku imminnut taama nikanarsartariaqanngikkaluartut, allakkani ammasuni Mette Marit taama allappoq Marius Borg Høibyp tallimanngornermi 20-nik ukioqalernerani.
Inuuissiortoq norgimi inuiaqatigiinni immikkut inissisimaffeqartuaannarsimavoq. Arni aqqutigalugu Norgemi kunngikkormiunut ilaavoq, kunngikkormiutulli taaguuteqanngilaq pisussaaffeqaranilu. Qatanngutaali ilaavissuupput.
Taamaakkaluartoq tusagassiuutit inuunera malinnaavigeqqissaarpaat, taamaammat arnaa allattariaqalersimavoq.
- Inuunini tamanut ammasumik atorusunngilaa. Anaanatut tassunga pisussaaffikka ilumoorullugit ukiut 20-it matuma siorna Aker Sugehusimi tigusakka ilumooruppakka. Taamaattumik norgemi tusagassiuutit ilaat qinnuigissavakka kissaatiginngisaatut ukkatariunnaaqqullugu, Mette Marit taama allappoq.
Marius Borg Høiby sapaatip akunnerata tulliani USA-miittumi Californiami ilinniakkamik aallartitsissaaq.
