KRK Syriami qimaasunik ikiuiniarnermut 50.000 koruuninik tunissuteqartoq
Kalaallit Røde Korsiata nuna tamakkerlugu siulersuisuuneri Syriap Tyrkiamut killeqarfianut Røde Korsip ikiueqqaarinnittuinut atugassanik 50.000 koruuninik tunissuteqarniarnertik aalajangeqqammerpaat.
Allattoq Charlotte Holten-Møller
Nutserisoq Mads Lynge
Kalaallit Røde Korsiata ilaqutariinnut Europap killeqarfiini eqqugaasunut ikiueqqaarinninnermut atugassanik piffissap sivikitsup iluani aappassaanik tunissuteqarpoq.
- Kalaallit Nunaanni amerlanerit sunnertisimanngillat pisunik qimarngusorpassuit ilungersunartorsiornerannut alianartorsiornerannullu, Kalaallit Røde Korsiat nittartakkamini taama ilaatigut allaaserisaqarpoq, nangillunilu:
- TV-kkut malinnaaffigaagut, takusagut immaqa puigoqqittuusisarlutigit matutta silatinnguani pisuunngimmata, Kalaallit Røde Korsiat nittartagaani tamanna atuarneqarsinnaavoq.