ASSIT KRK juullimi ikiuutissanik aatsaat taama agguaassitigaaq
Ilaqutariinnut meerartalinnut angajoqqaanullu kisimiittunut Kalaallit Røde Korsiannit juullimi ikiuutissanik tunineqarnissamik qinnuteqarsimasunut 200-t missaanniittunut katillugit 400.000 koruunit agguaanneqarput.
Meeqqamut ataatsimut 1000 koruunit inersimasumullu 250 koruunit ikiuutissatut tunniunneqarput, aningaasallu kortitut Nuummi pisiniarfinni amerlanerni atorneqarsinnaasunngorlugu tunniunneqarput.
Aammattaaq Kalaallit Røde Korsiata Ilulissani, Maniitsumi, Sisimiuni Qaqortumilu immikkoortortaqarfii kommunit isumaginnittoqarfiit suleqatigalugit ilaqutariinnut meerartalinnut koorinik agguaassisimapput.
Immikkoortortaqarfiit Nunafondimit ukiormanna tapiiffigineqarsimapput, immikkoortortaqarfiit juullimi ikiuutinik agguaassinissamut tamarmik immikkut 15.000 koruuninik tunissuteqarfigineqarsimallutik.
