KRK atornikuerniarfiit pillugit ataatsimiititaliortoq

Atornikuerniarfiit pillugit ataatsimiititaliaq KRK-p immikkoortortarfiineersunik ilaasortaqartoq, peqatigiiffiup Sisimiuni februaarip 22-ani 23-anilu ataatsimeersuartitsinerani pilersinneqarpoq.

KRK-p Qaqortumi, Nuummi, Maniitsumi, Sisimiuni Ilulissanilu atornikuerniarfiutaani nammineq kajumissutsiminnik sulisut naapeqatigiillutik isumassarsianik misilittakkanillu avitseqatigiittarnissaat ataatsimiititaliornermi siunertaavoq.

Saqqummiisut tassaapput Tove Blidorf aamma Tina Donnerberg Røde Korsip Danmarkimi atornikuerniarfiuteqarnermut immikkoortortaqarfianeersoq, KRK tusagassiorfinnut nalunaaruteqarluni taama allappoq.

Kalaallit Røde Korsiat - KRK - Nunatsinni illoqarfinni assigiinngitsuni atornikuerniarfiuteqarpoq taakkulu sinneqartoorutaat ikiuiniarnermut atorneqartarlutik.