Kristian Lennert: Sulisut piginnaanngorsarneqartariaqarput

Inuussutissarsiutit nunatsinniittut siunissami ingerlanneqaleraluttuinnartussat eqqarsaatigalugit maannangaaq piginnaanngorsaasoqartariaqartoq, Inuussutissarsiutinik ineriartortitsineq pillugu siunnersuisoqatigiit siulittaasuat Kristian Lennert oqarpoq:

- Raajat akiisa appariartuinnarnerisa kingunerisaanik aalisarneq ajornartorsiorfiulersimavoq, aningaasarsiornerlu unikaallakkiartuinnarsimalluni. Taamaammat inuussutissarsiutit allat siunissami aallunneqarnerulersinnaasut pillugit ilinniarneq piginnaanngorsaqqiinerillu salliutinneqartariaqarlutik, Kristian Lennert oqarpoq, nangipporlu:

- Aatsitassarsiornermik, takornariaqarnermik, sanaartornermilu suliffiit 3000-t pallillugit pisariaqartilersinnaavagut. Inuussutissarsiutit pioreersut aallunneqartuassapput, kisianni ineriartortinneqartariaqassapput. Pioreersut suliaat annertusiartuinnassapput, suliffeqarfissuillu pilersinneqartussat nutaat sullikkumaarlugit, Inuussutissarsiutinik ineriartortitsinissaq pillugu siunnersuisoqatigiit siulittaasuat Kristian Lennert oqarpoq.