Kristian Jeremiassenip assortuussutaasarsimasoq qaqeqqippaa

Ukiut tamaasa juullinnginnerani akissarsisitsinissaq oqallisaalersarpoq. Politikerit akornanni tusagassiuutinilu, 2013-imilu aamma taamaappoq. Kristian Jeremiassenip Siumumeersup tamanna pillugu Naalakkersuisunut § 37 naapertorlugu marlunnik apeqquteqarpoq.
Allattoq Peter Troelsen, Simon Uldum
oktobarip 11-at 2013 07:00

Politikerit siorna decembarimut akissarsiassat juullertinnagu tunninneqannginnissaannik aalajangiipput, Kristian Jeremiassenillu juullertinnagu akissarsisitsisoqannginnissaa suli aalajangiusimaneqarnersoq paaserusuppaa.

Jeremiassenip aamma paaserusuppaa politikerit siusinaartumik akissarsisitsinissamik aalajangissagaluarpata tamanna kikkunnut iluaqutaassanersoq. Tamannalumi Jeremiassenip tunngavilersuteqarnermini aamma iserfigaa.

Politikeri Siumumeersoq isumaqarpoq decembarimut akissarsiassat juullertinnagu tunniunneqarneri juullimut atatillugu atorluarneqartartut. Qaasuitsup Kommunia, parteeqatiminit Ole Dorphimit aqunneqartoq innersuussutigaa, tassanimi decembarimut ukiormanna akissarsiassat decembarip 19-iani tunniunneqartussaapput.

-Politikkimi siuttut ukioq manna allanngorput, isumaqarpunga innuttaasunut inussiarnernerusumik kiinnertariaqartungut ileqqutoqaq pitsaasoq uterteqqillugu juullinnginnarani akissarsititsineq, Kristian Jeremiassen Naalakkersuisunut apeqquteqarnermini taama tunngavilersuivoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq