Kristian Heilmann siulersuillammattut toqqagaavoq

GSSip assammik arsarnermut immikkoortoqarfia immikkut eqqaamaneqartussamik 2010-mi angusaqarpoq. Tassami nunatsinni klubbini siullersaalluni ukioqatigiinni tamaginni GM-ertoqarnerani pissartanngortitsipput, taamaasillutik arfinileriarlutik pissartanngortitsillutik.

Taamaammat GSS-ip assammik arsarnermut immikkoortoqarfiani siulittaasoq Kristian Heilmann siulersuillammattut GIF-imit toqqarneqarpoq.

Annertuunilli anguniagaqarluni suliniarneq aatsaat iluatsissinnaavoq angerlarsimaffimmit tapersersorluarneqarnikkut.

Taamaammat Kristian Heilmannip nangaarianngivilluni inooqatini Rita Egede sunngiffimmi soqutigisami ingerlanniarneranut tapersersuilluartoq erseqqissarpaa. Rita Egedelu GSSimi siulersuisuni aamma ilaasortaavoq.

- Tamanna iluaqutigisaqaarput taamaasilluta piffissaq pitsaanerusumik atorsinnaasaratsigu, taama Kristian Heilmann oqarpoq, ilanngullugillu qutsavigai suliffeqarfiit suleqatigisatik, siulersuisoqatini aammalu nunatsinni klubbit allat.

Kristian Heilmann toqqagaanerminut atatillugu checkimik 10.000 koruuninik aningaasartalimmik pissarsivoq.

Sungiusaallammattut Rene Olsen B-67-imeersoq toqqarneqarpoq.