Kristian Broberg: Naqiterivitoqaq meeqqerivittut atorsinnaanngilaq

Taama isumaqarpoq Qaasuitsup Kommuniani Siumut sinnerlugu kommunalbestyrelsemut ilaasortaq taamatullu kultuteqarnermut, atuarfeqarnermut sunngiffimmullu ataatsimiititaliap siulittaasua, Kristian Broberg isumaqarpoq.

- Taamaattumik meeqqeriveqarneq pillugu politikikkut akisussaasutut qanoq iliuuseqassuunga, meeqqerivimmik naleqqunnerusumik maani Qeqertarsuarmi atorneqarsinnaasumik nassaartoqarnissaanik.

Kristian Broberg oqarpoq ilisimatitsissutigalugulu meeqqeriviup Kuluup oqunneranik misissuiartortinneqartussaq, Qaasuitsup Kommuniata teknikkikkut sulisuisa ilaat, Qeqertarsualiarnissani maanna utaqqiinnalermagu, ajoraluartumilli silap ajornera pissutigalugu suli maanna aallanngitsoq aamma oqaatigalugu.

Meeqqeriviup Kuluup oqoqarnera pillugu meeqqevimmiittutillit angajoqqaat facebookikkut allaaserisaat, Kristian Brobergip tusareerlugu maanna qisuiariarpoq.

Qaasuitsullu Kommuiniani kultuteqarnermut, atuarfeqarnermut sunngiffimmullu pisortaq, Rie Johansen attaveqarfigereerlugu oqarluni.

- Tamanna pillugu ullaaq akineqarpunga, meeqqeriviup oqoqalersimanera pillugu suliaq maanna aallartinneqareersoq, teknikerimillu misissuisussamik piaarnerpaamik Qeqertarsualiartitsisoqassasoq oqaatigineqarluni.

Kristian Brobergip neriuutigaa meeqqat sulisullu sivisuumik atugarliortinneqassanngitsut.

- Maani illoqarfitsinni periarfissat amerlanngillat kisianni utaqqiisaagallartumik meeqqeriviusinnaasumik allamik ujaasisoqassooq. Kisianni allatut ajornartumik sulisut, meeqqat angajoqqaallu meeqqeriviup oqoqalersimanera pillugu allamillu nassaarnissap tungaanut atugarliulaarnissaat pisariaqassooq. Neriuppungali tamanna ajorpallaassanngitsoq.

Qaasuitsup Kommuniani Siumut sinnerlugu kommunalbestyrelsemut ilaasortaq taamatullu kultuteqarnermut, atuarfeqarnermut sunngiffimmullu ataatsimiititaliap siulittaasua, Kristian Broberg oqarpoq.