Kræftimut akiuussutissaq ilisimatuut nassaarigunarpaat

Amerikami ilisimatuut neriusaarutigalugu nalunaarutigaat kræftimut akiuussutissamik nassaarunarlutik.

University of Washingtonimi ilisimatuut misiliillutik naasup Kinami naasartup sananeqaataa 1.200-riaammik allisikkamikku paasivaat ullumikkut akoorutissanik kræftimik katsorsaanermit pitsaanerulluinnassusia; kræfteqartullu timaanik akoorutissaninngarnit asattuussinerunera paasisimavaattaaq.

Akoorutissat atorlugit katsorsaanerup kingunerigajuppaa napparsimasup timaata toqunartunik tigooraanera, sunniuteqarnerluttartoq.

Naasup sannaanik nakorsaasiap pitsaaqutigaa inuup sannaata – celle-ani ataatsimi – kræftip cellii 12.000-it ataatsikkut toqunneqarsinnaalerneri. Taamaalilluni piaartumik napparsimasup akiuussutissanik pisariaqartitaanik annertussusileriikkanik katsorsarneqarsinnaalerpoq.

Nakorsaat nutaajoqimmat naatsorsuutigineqarpoq ukiut arlallit qaangiuppata aatsaat inunnut misileraatigineqarsinnaanngussasoq.

Kræftens Bekæmpelsep paasisat pissanganarnerarpai.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat