Kosovo naalagaaffik namminersortoq
Kosovo Serbiamiit kaanngarnissaminut piareerpoq. Taama oqarpoq Hashim Thaci, Serbiamut naalagaaffeqataasumi Kosovomi qinersinermi ajungaasoq. Hashim Thaci, Kosovomik aninguisitsiniaqatigiit suleqatigiiffiani UCK-mi siulittaasuusimasutut aamma ilisarisimanerqarpoq.
Thacip paasigamiuk qinersinermi ajungaasuulluni ingerlaannaq qineqqusaarnermi neriorsuutini uteqqippaa oqarluni piffissap sivikitsuinnaap ingerlanerani Kosovo naalagaaffittut namminersortutut suaarutigiumaarini. – Inuuneq nutaaq aallartippoq. Kosovomiut nunarsuarmioqatigiinut oqaatigaat Kosovo kiffaanngissuseqarluni, namminersortunngornissaminut piareertoq, oqarpoq Hashim Thaci. Kosovomi 2 millioninik innuttaqartumi marlunngormat inatsisartunut qinersisoqarmat 45 procentiinnaat taasiartorput. Politikerit pisaanerminnik atornerluinerannut, aningaasanillu peqquserluuteqartarnerannut Kosovomiut qatsussilluinnarsimanerat, qinersiartortukinneranut pissutaatinneqarpoq.
