Koreami atomimik qaartitsisoqaqqissanngilaq

Korea Avannarlermi atomi atorlugu qaartitsisoqaqqissanngitsoq, Korea Avannarlermi siuttup oqaatigisimagaa, Korea Kujallermi nutaarsiassaqartitsivik tusarliussivoq – Kinamiullu aallartitaa nutaarsiassaqartitsivimmit issuarneqarpoq;

Korea Avannarlermi siuttup atomi atorlugu suliaasissat isumaqatiginninniutiginissaannut piareersimavoq.

Taamatut tusarliussinissaq USA-mit utaqqineqarsimavoq.

- Korea Avannarleq taamaaliortariaqarpoq. Korea Avannarliup pilersorneqarneranik Naalagaaffiit Peqatigiinni ilaasortat killilersuinissaat kajumissaarutigaara, USA-p nunanut allanut ministeria ulluni makkunani Kinamut tikeraartoq oqarpoq.

Kinap Korea Avannarleq pisortatigoortumik aamma sioorasaareerpaa. Korea Avannarlermi siuttup atomi atorlugu misiliilluni qaartitseqqissappat, Kinamit uulia nassiunneqartarunnaasasoq siorasaarutaasimasoq, nutaarsiassaqartitsivik AP allappoq.

Korea Avannarlermi misileraalluni qaartitsisoqaqqinnginnissaa anguniarlugu Kinami præsidenti Korea Avannarlermukartitsisimavoq.

Kinamiut aallartitaat angusaqarluarsimalluni ippassaq nalunaaruteqarpoq.