Korea Kujalliup præsidentia Pyongyangimut tikeraartoq
Koreap qeqertaasaani atomimik qaartartorsuit ikilisarneqarnissaat ilaatigut isumaqatigiinniutigineqassaaq.
Kim Jong-unip Korea Kujallermit tikeraartuni Pyongyangip timmisartoqarfissuani tikilluaqquaa.
Korea Kujalliup præsidentianik Pyongyangimut ukiut kingulliit aqqanillit tikeraartoqarsimanngeriarluni maanna tassa tikeraartoqarpoq. Nunat taakku siuttui kingullermik naapikkamik killeqarfiup nalaani ataatsimiipput.
Korea Avannarleq raketinik ungasissumut igeriuttakkanik kingullermik misileraammat Pyongyangip timmisartoqarfissuanit igeriussipput, Kom Jong-unillu igeriussineq malinnaaffigaa.
Kim Jong-unip USA-p præsidentianik Donald Trumpimik Singpaoremi ataatsimeeqatigiinnissaa Korea Kujalliup præsidentiata Moon Jae-inip ilaatigut suleqataaffigaa.
Korea Kujalliup præsidentia Moon Jae-in ulluni tulliuttuni pingasuni Pyongyangimiissaaq. Taassuma angajoqqaavi Koreami 1950-imit 1953-ip tungaanut sorsuttoqarnerani Korea Avannarlermit maanna Korea Kujallermut 1950-imi qimaapput.
