Korea Avannarliup australiamiu ilinniartoq maqaasineqartoq iperaraa
Austaliamiu ilinniartoq Korea Avannarlermi tigummigallarneqartoq maanna iperagaavoq.
Australiap premierministeria, Scott Morrison taama ilisimatitsisoq, aviisi Sydney Morning Herald allaaserisaqarpoq.
- Alek Sigley iperagaasimasoq Korea Avannarlermiillu isumannaatsumik anisimavoq ullaaq manna nalunaarfigineqarpugut, Morrison oqarpoq.
Sigley Korea Avannarlermi tigusarineqarsimasoq nutaarsiassaqartitsiviit qassiiusut sapaatip akunnerata siuliani allaaseraat tamannalu australiami naalakkersuisut kingusinnerusukkut uppernarsarpaat.
Korea kujallermit nutaarsiassaqartitsiviup NK Newsip allaaserisaa naapertorlugu 29-nik ukiulik Sigley maanna Kinamiippoq. Ullumilu Japanimi Tokyomut ingerlaqqissalluni.
Sverigemi naalakkersuisunit immikkut ittumik aallartitap Korea Avannarlermeereerneratigut Alek Sigley Korea Avannarliup illoqarfiisa pingaarnersaanni Pyongyangip universitetiani ilinniartuusoq iperagaallunilu Korea Avannarlermit aallarsinnaatitaavoq.
Australiami premierministerip, Scott Morrisonip paasissutissat uppernarsarpai Australialu sinnerlugu Alek Sigleyp iperagaaneranut Sverige qujassuteqarfigingaatsiarlugu.
Alek Sigley sooq tigusaasimanersoq ilisimaneqanngilaq.
Korea Avannarleq suliamut atatillugu suli oqaaseqanngilaq.