Korea Avannarlermi qanoq inuusoqarpa?

Korea Avannarlermi qanoq inuusoqarpa?

Nuna matoqqasorujussuuvoq nuna allamiut Korea Avannarlermut iserniarnerat imaannaanngilaq.

Dansk Røde Korsip nunani allani aallartitaasa pisortaat, Anders Ladekarl, Korea Avannarlermeeqqammisoq nunani tikittamini misigisisani ima oqaluttuarai:

- Mittarfimmut tikittut tamarmik oqarasuaatitik angallattakkat pisortanut tunniuttarpaat. Sapaatip-akunneranut marloriarluni timmisartuussisisoqartarpoq.

Korea Avannarlermi innuttaasut tamarmik qaammat ataaseq nunaatilinnik ikiuuttarput. Taamaalineranilu tikikkama illoqarferujussuaq inoqanngiviusarluni. Internetimut satellitimullu attaveqaateqanngillat. Avammut attaveqarnerit tamarluinnarmik nunanut allanut ministereqarfimmit misissoqqaarneqartarput. Pisortanit nalunaarutit nassiussorneqartartut kisiisa innuttaasut paasisarpaat, Anders Ladekarl oqarpoq.

Taanna DR-imit aperineqarpoq innuttaasut eqqarsaataat pisortanit aqunneqarnersut, ima akivoq

- Nunarsuarmi pissutsit innuttaasut ilisimanngilluinnarpaat, taamaattumik isumaqarput nunarsuarmi atugarissaarnerpaallutik, naak atugarliortujussuugaluarlutik, Anders Ladekarl oqarpoq.

Korea Avannarlermi nerisassat nakorsaatillu amigaataapput. Tappavani pisortat tamanna innuttaasunut isertuuppaat. Anders Ladekarlip innuttaasut atugarlioqalutik inuusut naammattoortarlugit ima oqaluttuarpoq.

- Sumut pingaluaraangama mamiatsanngitsoorneq ajorpunga. Nakorsiartarfiit tamakkerlugit alakkaasaqattaarama tupigusoqaanga. Nakorsaatit eqqussagut avataaneersutut taamaallaat nakorsaataatigaat, sinneri namminneq naatsiivimminni naatissimasatik nakorsaatiginiarsaraat. Innuttaasut namminerisaminnik naatitatik pigisinnaanngilaat. Pisortanut tamaasa tunniuttarpaat. Illut eqqaanni 10 kvardratmeterit namminneq nerisassaminnik naatsitivigisinnaavaat. Tupinnaqaarlu sumininnguanik naatitsiniartarnerat takullugu. Ingammik nammineq inuuinnarusullutik taamatut naatitsisarnerat eqqarsaatigalugu, Anders Ladekarl naggasiivoq