Korea Avannarlermi ajunaarnersuaq
Pingasunngormat nalunaarutigineqarpoq inuit arfineq pingasut ajunaarsimasut, ullualunnguilli ingerlaneranni ajunaartut amerleriapiloorsimapput tassa 88-it ajunaarsimallutik.
Juulip 18-anni silarluk sialuttalik aallartimmat, tamassuma kinguninngua qarsutsinersuaqalerpoq, tamatumalu kinguneraa inuit 134-it aqqunartitermata 63.000-illu angerlarsimaffeerummata. Korea Avannarlermi nutaarsiassaqartitsivik, KCNA taama nalunaarpoq, ilanngullugulu nalunaarutigalugu illut tusindilikkaat aseruatitersimasut.
Korea Avannarliup kujataani nunap immikkoortua ataasinngormat marlunngormallu silarlummik eqqorneqartoq ajunaarfiunerpaasimasoq nutaarsiassaqartitsivik allappoq.
- Nunaatit 30.000 hektarisut annertutigisut qarsutsinersuarmik eqqorneqarput, tamanna nunuamut inuussutissanik amigaatilimmut aammalu innuttat nerisassaqartinneqarnissaannik ajornartorsiutilimmut eqquivoq ajorluinnartumik, nutaarsiassaqartitsivik, KCNA allappoq.
Korea Avannarleq 24 million-inik inoqarpoq, nunaatinilu naatsitsiniartarneq qanganisaasoq atorneqarluni. Aqquserngit iluarsartuunneqarneq ajorput. Ajornartorsiutit tamakku pilersippaat inuuttaasut amerlanersaasa kaallutik inuuneranut.
1990-ikkunni Korea Avannarlermi ajunaarnersuaqarnerani inuit hundredetusindtilikkaat perlerlutik ajunaarput.