Korea avannarleq Korea kujallermut oqarasuaammik sianerfissamik ammaasoq
Korea avannarlermi naalagaaffiup tv-eqarfia taama ilanngutassiivoq, tamannalu Korea kujallermi pisortat uppernarsaraat, nutaarsiassaqartitsivik AP allaaserisaqarpoq.
Taamaalillutik nunat sanileriit OL-ertoqanngilaattaani imminnut qanillattornerulerput, ippassarmi qanimut oqaloqatigiinnissamut imminnut qaaqqupput.
AAMMA ATUARUK Korea Avannarliup OL-imut peqataatitsisinnaaneranik Korea Kujalliup oqaloqatigiumagaa
Korea avannarleq Korea Kujallerlu imminnut oqarasuaatikkut qangali attaveqarsinnaagaluarput - Korea avannarliulli oqarasuaat 2016-imili atorsimanngikkaa, aviisi New York Times allaaserisaqarpoq.
Korea kujallermi peqatigiinnermut ministereqarfik naapertorlugu Korea avannarliup attaveqaatit ullup ingerlanerani ammaqqissamaarpai.