Korea Avannarleq iliuuseqarfiginiaraat
Korea Avannarliup iliuuseqarfigineqarnissaa USA-mit, Kina-mit Ruslandimillu isumaqatigiinniutigineqarpoq, sulili ajornartorsiuteqartoq, tamannalu pillugu Naalagaaffiit Peqatigiit isumannaallisaaniaqatigiivini sapaatip akunnerup massuma naannginnerani aalajangersaasoqarumaartoq, USA-p FN-imi aallartitaa John Bolton oqarpoq.
Korea Avannarleq pillugu isumaqatigiissuteqareernerlutik oqaatigisinnaanngikkini aaqqiagiinngissutilli assigiinngitsut naammaginartumik qaangerneqareersut John Bolton franskit nutaarsiassaqartitsivianni issuarneqarpoq.
Korea Avannarleq pillugu iliuusissanik siunnersuutit FN-p isumannaallisaaniaqatigiivinut USA ippassaq tunniussaqarpoq.
Atomip nukinga atorlugu qaartartumik misileraalluni qaartitsisimallutik Korea Avannarlermiut ataasinngormat nalunaarput.