Korea Avannarleq atomimik nalunaarusiorpoq
Nunat Korea Avannarliup atuumimik sakkussiorsinnaaneranik aarleqquteqartut ataatsimiinneranni nunat arfinillit peqataaffigisanni nalunaarusiaq ingerlateqqinneqarpoq.
Amerikami præsidenti George W. Bush pisumik nuannaarutiginnilluni ullumi oqaatigaa, oqarluni Korea Avannarleq nunatut inupiluuserniartartutut peqqarniisaarniarnermillu illersuisut allattorsimaffiannit ullut 45-t qaangiutsinnagit peerneqarumaartoq.
Korea Avannarlermik killilersuinerit marluk aamma atuutsikkunnaarneqassasut, Buship neriorsuutigaa.
Taama oqariarluni Bush uparuaatissaqarpoq, atuumimik nukissiuuteqarneq sakkussiornerlu pillugit paasissutissanik sukumiinerusunik Korea Avannarlermiit piumallutik oqarami.