Konsuuleqarfimmik Danmark Iqalunni ammaavoq

Iqalunni konsuuleqarfimmik Danmark maanna ammaavoq. Konsuuleqarfik danskit aallartitaqarfiata immikkoortortaatut taaneqarsinnaavoq.

Konsuulateqarfik sapaatip akunnerani kingullermi pisortatigoortumik ammarneqarpoq.

Nunavumi danskit pisortatigoortumik konsulaateqarnissaat ukiup ataatsip ingerlanerani pilersaarusiorneqarsimavoq danskillu aallartitaqarfiata Ottawamiittup immikkoortuatut taaneqarsinnaalluni.

Konsulaateqarfimmi ilaatigut Nunavumut isersinnaanermut allagartat suliarineqartassapput aammali Nunavumi issittumi suliassat immikkuullarissut ilanngullugit suliarineqartassallutik.

Danmarkip Canadami aallartitaa, Poul Erik Kristensen oqaluttuarpoq, Canadami aallartitaqarfitsik arlalinnik immikkoortortaqareermat pissusissamisoortutut isigisimagitsik Nunavumi immikkoortortamik aamma ammaanissartik.

Nunavut Kalaallillu Nunaat suleqatigiinnissamik periarfissaqarluarput. Nunavumi Kalaallit Nunaannilu pissutsit assigiinngitsut assigiittorujussuupput, soorlu assersuutigalugu atuartitaaneq, niuerneq, pinngortitaq il.il. Poul Erik Kristensen oqarpoq.

Konsuulaatitaap Nunavumit Kalaallit Nunaannut timmisartumik angallanneq atoqqilersinnaanersoq misissugassaasa ilagissavaat.

- Nunavumit Kalaallit Nunaannut timmisartukkut angallannerup atoqqilersinnaanerata sukkanerusumik sulissutigineqarnissaa peqataaffigisinnaavaa naak nammineq isumaqatiginninniarnermi toqqaannanngikkaluamik ingerlatsinissaq akisussaaffigissanngikkaluarlugu,

danskit Canadami aallartitaat Poul Erik Kristensen oqarpoq.

Konsuulitaaq Kenn Harper-imik ateqarpoq.

Canadap issinnerusortaani ukiuni 30-ini najugaqarpoq, Kalaallit Nunaanni aamma ukiut marluk najugaqarsimalluni.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat