Kongres-imi ilaasortat silaannaap kissatsikkiartornera pillugu soqutiginnipput
Siullermik ilisimatuut The Nathional Science Foundationiminngaaneersut silaannaap kissatsikkiartorneranik misissuinerminnik nassuiaateqarfigissavaatigut, neriuutigaarpullu ullup ilaa qulimiguulimmik sulliviisa ilaannut alakkarterisinnaassalluta. kongressimi ilaasortaq Bart Gordon oqarpoq.
"Maaniippugut silaannaap kissatsikkiartornerata Kalaallit nunaanni inuuniarnikkut sunniutai qanoq ersartsiginersut paasisassarsiorfigiartorlugit, siunissarmi eqqarsaatigalugu uatsinnut aamma tamanna sunniuteqartussavoq."
Bart Gordonip neriuutigaa tikeraarnerminni paasisatik Amerika-miut pinngortitamut eriaginninnerulernissaannut sunniuteqarluarumaartut, nukissiutinillu minguttitsinerpaaniit, minguttitsinnginnerusunik taarsiiartuaarnissamik aqqutissiuussisuussasut.
Aperineqarami sooq silaannaap kissatsikkiartornerata sunniutai namminneq isinik takussallugit pingaaruteqartiginersoq. ima akivoq.
"Soorlu Kiinamiut ima oqaasinnaaqartut, "asseq oqaatsiniit tusindtileriaammik oqaluttuassaqarnerusartoq". Tassa silaannaap kissatsikkiartornerata sunniutai isitsinnik takugutsigit, takusat piviusuuneri ersarinnerusarlutik, taamaasilluta Amerikami politikereqatitsinnut pissutsit nassuiarluarsinnaanerussavagut, Bart Gordon nassuiaavoq.
