Kommunit nutaat killeqarfii suli titartarneqanngillat
Sermitsiami allaaserineqarpoq, kommunit nutaat sisamaasut killeqarfii eqqoqqissaartumik suli uuttortarneqanngitsut. Qaasuitsup kommuniata aamma Qeqqata Kommuniata killeqarfiini kommunitoqqat killeqarfii suli malinneqarput.
Kisianni kommunit killeqarfii Inatsisartunit ukiarmi akuersissutigineqareeraluartut, Kommune Kujalliup aamma Kommuneqarfik Sermersuup killeqarfiat allanngortinniarneqarpoq.
Asiami uuttortaasartut pisortaat Karl Brix Zinglersen Sermitsiamut oqarpoq, Kommune Kujalliup Tunup Kujataata ilangaatsiarsua, 28.000 kvadratkilometerit missaanniittoq, Kommuneqarfik Sermersuumit pissarsiarigaa. Nuna tamanna Jyllanditut angissuseqarpoq. Taamaalilluni kommunip Kujalliup Killeqarfia Tunumi Timmiarmiunit Kujataani qeqertamut Sannerummut angissuseqalerpoq.