Kommunit innutaasunik sullissinerat ajorseriarsinnaavoq
Tassami kommuninut ataatsimoortumik tapiissutaasartut 30 millionit koruuninik ikilisinneqartussanngorput. Kanukokamit Naalakkersuisunut arlaleriarluni oqaatigineqartarluarpoq, taamatut sipaarniuteqarneq kommunit kattussuunnerat eqqarsaatigalugu, siusippallaartoq. Taamaakkaluartoq Naalakkersuisut sipaarniutissatik aalajangiusimaannarpaat, Kanukokallu piumasaqaatai allat tamarmik 2011-mut aningaasanut inatsisissamut innersuunneqarput.
Nunatsinni kommunit 18-iusut kattunnerisigut sisamaannanngortinneqarmatali, kommuninngortut "namminneq aningaasalersukkaminnik, innutaasut sullinneqarnerisa ajorseriartinneqaratik killormulli pitsanngorsarneqarlutik ineriartortinneqarnissaat anguniarsimagaluarpaat. Kanukokap siulittaasua Enok Sandgreen tusagassiuutinut nalunaarummini ilaatigut taama allappoq.
- Kommunit innuttaasunik sullissinerminni sipaaruteqartariaqalernerat, naalakkersuisut akisussaaffigileraat, Enok Sandgreen nalunaarummini allappoq.