Kommunip ikinngutini inuulluaqqugaa
Kommuneqarfik Sermersuumi aamma Lyngby-Taarbæk Kommunemi allaffissornikkut aqutsisut kommunit marluusut taakku akornanni illoqarfittut ikinngutigiittut isumaqatigiissut atorunnaarsissallugu aalajangerput. Tamanna paaseqatigiilluni pivoq, tassami kommunini marluusuni allaffissornikkut qullersaasut isumaqatigiissut siunertaqanngitsoq isumaqatigiissutigimmassuk taamaattumillu nutarterneqarnissaa isumaqanngitsoq.
- Kommunini marluusuni allaffissornikkut qullersat oqaloqatigiinnerisa malitsigisaanik ukiuni marlunni kingullerni kommunini marluusuni tamani suleqatigiinnermit pisariaqartinneqartumik pissarsiaqarsimanatik isumaqatigiissutigaat. Ukiuni marlunni kingullerni isumaqatigiissut persuarsiorpalaartuuneruvoq. Taamaattumik ukiuni makkunani kommunit tamarmik suliassaqarfinni tamani sulinerit pitsanngorsarsimanerat ataqqillugu eqqarsaatigalugulu – aamma illoqarfittut ikinngutigiittut suleqatigiinneq – aalajangerneq taanna isumatusaarnersaavoq,” borgmester Asii Chemnitz Narup (IA) oqarpoq.
- Illoqarfittut ikinngutigiittut isumaqatigiissut atuukkallarmat illua´tungeriinnut iluaqutaasimaqaaq taamaattumillu kingumut qiviarlunga qujamasuppunga oqaluttuarisaanermilu tamatsinnut iluaqutaasimammat nuannaarutigisorujussuuarput,” Asii Chemnitz Narup naggasiivoq.
