Kommunimi sulisut oqaaqqissaarneqarput
Tamannali sulisunut, najoqqutassianik unioqqutitsereersimasunut kinguneqassanngitsoq, Kommuneqarfik Sermersuumi pisortaanerugallartoq Stine Johansen erseqqissaavoq.
- Ajuusaarutigaara meeqqanik paarsinermik aaqqissuussinernut pisortanit akuersissutigineqarsimanngitsunut kommunimi sulisut innersuussisarsimammata, tamanna akuersaarneqarsinnaanngilaq. Tamannami kommunimi akileraartartunut pitsaanngilaq aaqqissuussinermullu tatiginnikkunnaarsitsilluni, Stine Johansen oqarpoq.
Tamanna sulisunut kinguneqassava?
- Sulisut pineqartut soorunami attaveqarfigineqarput pisullu imaannaanngissusianik ilisimatinneqarlutik, Stine Johansen oqarpoq.
Meeraaqqerivinni inissaqalernissaa angajoqqaat qaqugu ilimagisinnaavaat, tassami nalunaarusiami malunnarsereermat meeraaqqat tamarmik inissaqartinneqartut?
- Ulluunerani paaqqinnittarfiit pillugit nalunaarusiami kaammattuutigineqartut erniinnarluinnaq aallartissavavut, taamaalilluta ulluunerani paaqqinnittarfinni utaqqisut ikilisinniassagatsigik, Stine Johansen akivoq.
Tamanna qaqugu pissasoq ilimagaajuk?
- Tamanna aalajangersimaqqissaartumik ullulersinnaanngilara, Stine Johansen naggasiivoq.
