Kommuni mingutsitsinngitsunik nukissiuuteqartutsialak toqqagaassaaq

Nunani avannarlerni Ministerrådip nunani avannarlerni nunat aamma nunat namminersortut, assersuutigalugu Kalaallit Nunaat, kommunimik nukissiuutinik atuilluartutut piukkussaminnik "Nordisk energikommune 2011"-mik taasamik toqqaaqquai.

Unammisitsinermi nunani avannarlerni kommunit nukissiuutitigut silallu pissusaatigut angusaat pitsaasut ersersinniarneqarput.

Tassami nunarsuatsini illoqarfiit nukissanik atuinerpaaffiupput, tamatumalu nassataanik CO2-mik mingutsitsinerpaallutik. Taamaattumik siunissami CO2-mik mingutsitsineq killilerneqassappat kommunit nukissiuutinik mingutitsinngitsunik atuinissaat pingaaruteqarpoq.

Taamaattumik ”Nordisk Energikommune” pillugu suliniuteqarnermi kommunit nukissiuutitigut avatangiisinullu pitsaasumik nutaaliornikkut suliniuteqartut tapersersorneqassapput.

Nunani avannarlerni aamma nunani namminersortuni tamani kommuninik pingasunik toqqaasoqassaaq, tamatumalu kingorna kommunit ilaat "Nordisk Energikommune 2011"-tut toqqarneqassalluni.

Nunatsinni sisamaannarnik kommuneqaratta toqqarneqarnissamut periarfissaqarluarpugut.

Nalunaarfissaq januaarip 20-annut 2011-mut killeqarpoq, toqqarneqartullu 2011-mi upernaakkut kikkunnut tamanut saqqiunneqarnissaat naatsorsuutigineqarpoq. Paasissutissanik sukumiinerusunik Kanukoka-mi pissarsisoqarsinnaavoq.