Kommuneqarfik Sermersuumi utoqqaat pitsaanerusumik aamma isumagineqalerusupput

Nuummi, Kapisilinni, Paamiuni, Arsummi Tasiilamilu utoqqaat ullumikkut inigisaasa pigineqareersut saniasigut suli amerlanerusunik pisariaqartitsisoqartoq, Tungiuinermut Ataatsimiititaliap siulittaasuata tullia, Esmar Bergstrøm, Inuit Ataqatigiinneersoq, oqarpoq nangipporlu:

- Init utoqqarnut tulluarsarneqartut amigaatigineqangaatsiarput. Nuumiinnaanngitsoq Utoqqaat Illuani init aamma amigaatigineqarput, kisianni Kommuneqarfik Sermersuumi tamani.

Esmar Bergstrøm, Inuit Ataqatigiit, Kommuneqarfik Sermersuumi Tungiuinermut Ataatsimiititalimi siulittaasup tullia, aamma oqarpoq, kisitsisinik eqqoriaasinnaanani, kisiannili aningaasat millionillit amerlasuut amigaatigineqartut.

Politikkikkut aalajangiisartunik ajoraluartumik oqaaseqartitsisinnaasimanngilagut, sulinngiffeqanngikkunik sulinerminnut atatillugu angalammata.