Kommuneqarfik Sermersuumi ataatsimiititaliat piareerput
Kommuneqarfik Sermersuumi ataatsimiititaliat siulittaasuuffissat agguataarneqarput.
Allattoq Louise M. Kleemann
Aningaasaqarnermut ataatsimiititami siulittaasuussaaq borgmesteri Asii Chemnitz Narup (IA). Tungiuinermut ataatsimiititami – innuttaasut atugarissaarnissaannut tunngasumik suliaqartussami - Astrid Fleischer Rex (D), siulittaasuussaaq. Piorsaanermut ataatsimiititami siulittaasuussaaq Mille Søvndahl Pedersen (IA). Taakku saniatigut Sanarfinermut Avatangiisinullu ataatsimiititaq, Inuussutissarsiutinut ataatsimiititaq aamma Suliffeqarnermut ataatsimiititaq pilersinneqarput.