Kommune Kujallermi qinikkat inissitsititertut

Kommune Kujallermi kommunalbestyrelsimut qinigaarlaat inissitsiteqqammerput.
Tunuaniittut saamimmit: Asmus Hansen (IA), 2. viceborgmester Henrik Brummerstedt (IA), Bentiaraq Ottosen (A), Anders Olsen (S), Stine Egede (IA), Jørgens Wæver Johansen (S ), Benjamin Kielsen (S), Josef Petersen (S). Saavaniittut saamimmit: Mouritz Karlsen (IA) Karla Egede Bisgaard (S), 1. viceborgmester Simon Simonsen (S), Borgmester Kiista P. Isaksen (S), Mari S. Abelsen (S), Naja Lund (IA), Monica Dorph (S) Assi © : Kommune Kujalleq
Allattoq Inge S. Rasmussen
maajip 02-at 2017 07:04
Nutserisoq Simon Uldum -

Tamanna ataasinngornermi maajip aallaqqaataani pivoq, ilimagineqareersutullu Siumumeersoq Kiista P. Isaksen Kommune Kujallermi borgmesterinngorpoq.

Borgmesterip tullia siulleq tassaavoq Siumumeersoq Simon Simonsen, borgmesterillu tulliata aappaa makitsissutigineqarmat Inuit Ataqatigiinneersumik Henrik Brummerstedtimik inuttalerneqarpoq.

Naak Inuit Ataqatigiit suleqatigiinnissamik isumaqatigiissutaasoq peqataaffiginngikkaluaraat Kommune Kujallermilu illuatungiliuttunngoraluartut, borgmesterip borgmesterillu tulliata aappaata suleqatigiinnissamik kissaateqarlutik oqaatigaat.

- Qularutiginngilara illuatungeriikkaluarluta Kommune Kujallermi innuttaasutsinnik sullissinitta pitsaasuunissaa qitiutillugu suleqatigiilluarumaartugut, Kiista P. Isaksen Henrik Brummerstedt peqatigalugu tusagassiorfinnut nalunaarummi taama oqarpoq.

Borgmesterillu tulliata aappaata naqissuserpaa Inuit Ataqatigiit suleqatigiilluarnissamut nukitik atorniaraat partiilu nammineq siunnerfigisaminik saqqummiussuiumaartoq.

Kommuneqarfik Sermersuumi kommunalbestyrelsimi nutaami inissitsiterineq ullumi marlunngornermi pissaaq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq