Kommune Kujallermi qarasaasiat nalinginnaasumik ingerlaqqilerput
Kommune Kujallermi qaraasiat nalinginnaasumik ingerlaqqilerput.
Taamaammat innuttaasut nalinginnaasumik sullinneqarsinnaalerput, aamma Nanortalimmi nunaqarfinnilu, kiisalu kommunip nittartagaa ingerlaqqilerpoq.
Kommune Kujalleq tusagassiuutinut taama allappoq.
Kommuni Kujallermi qarasaasiatigut saassussisoqarmat qarasaasiatigut atortut kommunemi atorsinnaajunaarput aamma ikiorsiissutinik, soraarnerusutisiassanik meqqaanut akilersuutinik tunniussisinnaajunnaarluni, maanna taakkua ajornartorsiuttaajunnaaarput.
Qarasaasiatigut attaviit ippassaq ajorunnaarput ingerlaqqilerlutillu.
Kommune Kujallermi borgmesteri Stine Egede ima oqarpoq: "Ilisimatinneqarpugut qarasaasiat nalinginnaasumik ingerlalersut, assullu tamanna nuannerpoq. Aaqqiiniarnermi ikiuussimasut tamaasa assorsuaq qutsavigiumavakka, tassa Qarasaasiaqarnermik Aqutsisoqarfik, qarasaasiatigut sullissisuvut soorunamilu qarasaasialerisuvut, tamarmik assut ilungersorsimasut, Stine Egede Kommune kujallermi borgmesteri taama oqarpoq