Kommune Kujallermi aningaasartuutissat ikilisarneqarput
Kommuunimi immikkoortortaqarfiit tamarmik 5 procentimik sipaarniutissanik nassaarniaqquneqarput. Sipaarniutissat procentit tallimat, 4,7 millioner koruuninik aningaasartaqarput.
Kommuuneqarfiit nakkutilliisoqarfiannit piumasaqaataasoq, tassalu kommuunip tigoriaanarnik 5 procentimik aningaasaateqartariaqarnera qulakkeerniarneqartoq, borgmester Simon Simonsen oqarpoq. Sipaarniarnissamili inunnik pisariaqartitsisunik sullissineq eqqorneqarnaveersaarneqassasoq Simon Simonsenip neriorsuutigaa.
- Immikkoortortaqarfiit tamarmik ukiup tulliani 5 procentimik sipaarniaqqullugit piumaffigaagut. Ersarissumillu piumaffigaagut inunnik sullissinermi pisariaqartitsivissut eqqorneqassanngitsut.
- Immikkoortortaqarfiillu oqarput sipaarniutissanik nassaarniarneq ajornakusuusasoq, Simon Simonsen oqarpoq.
Kommune kujallermi ukiup tulliani missingersuutit tallimanngorpat tulliani siullermeerlugit oqaluuserineqassapput.