Kommune Kujallermi aningaasaqarniarneq Kommunini nakkutilliisoqarfiup misissoqqissaarpaa.
Radioaviisip allakkiaq taana Namminersorlutik Oqartussanut qinnuteqarnermigut, pissarsiaraa.
Allakkiarlu quppernernik tyvenik amerlassusilinnik qupperneqarpoq.
Nakkutilliiartornermut ilaatigut tunuliaqutaavoq, kommunep karsia 2009-mi piffissat ilaanni imaqartarsimanngimmat. Siusinnerusukkut nakkutilliiartornissat pisinnasimanngilaq, Nakkutilliisoqarfiup allanneratut Islandimi inerrmik anitsinermi aniasunit unitsitaasimallutik.
Komune Kujalleq 2010 aallartilaartoq37,5 milllioni koruuninik bankemi atorpoq, 2012-miit 2016-mut ukiumut 7,5 millioni koruuninik taarsersuisassallutik. Aamma erniat , 2011 1,4 millioni koruunit missaanniittut, akiligassaapput. Aatukkat, ingerlatsinermut atugasatut taasariaqartut, akileraartarermut Aqutsisoqarfimmut akiliutigineqarput, akileraarutitigut akiligassanut kinguuaattortunut matusutissatut.
Nakkutilliisoqarfiup inerniliuppaa, kommunit kaaviiartitamik 5 procentiisut amerlatigisunik karsimiittuuteqarnissamik, Namminersorlutik Oqartussat nalunaarutat
Kommuni Kujalliup 2009-mi, 2010-mi aammalu ilimanartumik 2011-mi eqquutsinngikkaa.
Aama kommuni piffissat ilaanni pisussaaffimmisut akiliisinnaasarsimanngitsoq, kommunit nakkutilliisoqarfiata oqatigaa.
Nakkutilliiosoqarfik aamma allappoq, 2009-mi 2010-milu allaqqaammut missingersuusiarineqartut malinneqanngitsut, aammalu 2011-mi taamaassasoq. Taama atugaqarneq aamma ajornerulerpoq, kommunip isertitassaralui kinguuttoortut 2009-mi 51,3 millioni koruuniusimallutik 2011-mi 57,1 millioni koruuninut amrlisimammata.
Nakkutilliisoqarfik inerniliivoq, komunip missigersuusiornermini sinneqartoorutissatut natsorsuutigisai, karsimiittutit amerliartornissaannut naammasimanngitsut. Aningasat Kommunip karsimiittutai decembarip 31-ani 2010, kommunip ingerlatsinermut sanaartornermullu atugassaasa 0,1 procentiinnarisimavai.
Kommuninut nakkutilliisoqarfiit, aalajangersimapput Kommune Kujalliup aningaasaqarniarnera suli nakkutigissallugu. Aggustusip syttaniani kommuninut nakkutilliisoqarfik, Kommunimilu aningaasaqarnermut ataatsimiitsitaliami ilaasortat tamanna aalajangiuppaat. Isumaqatigiissutigalugulu qaammammoortumik aningaasat nikittarnerat aamma nakkutigeqqissaarniarlugit.
Aningaasaqarnermut ataatsimiisitaliamittaaq pingaartillugu saqqummiunneqarpoq, missingersuutip ukiup tullianoortussap tassa ukioq 2012-moortussap annertuumik sipaarniarfigineqartariaqarnera.
Kommuninut nakkutilliisut Qaqortumiinnerminni, Aningaasaqarnermut ataatsimiitsitaliamit ima oqarfigineqarsimapput, issuaaneq aallartippoq.
- Aningaasaliiffigisartakkavut tamarmik naatsorsueqqissaaqqaarnikkut aningaasaliiffigineqassapput, maanna aamma aningaasaqarniarneq taamak ajortigitillugu aningaasaliiffigisartakkavut tamarmik eqqugaasinnaapput.
