Kommunaldirektørit KANUKOKA-p siunissaa eqqartorpaat
KANUKOKA 2009-ip kingorna qanorpiaq inissisimassava. Kommuneqarfiit kattussuunnerisa kingorna kommuneqarfiit kattuffeqassappat? Apeqqutit taakku allanut ilaapput kommunaldirektørit decemberimi ataatsimeeqatigiimmata.
Oqallinnermi erseqqissarneqarpoq KANUKOKA-p pissutitsinut nutaanut nalimmassarnissaa.
Kommunaldirektørit akornanni isumaqatigiissutigineqarpoq aaqqissuusseqqinnermi KANUKOKA-p ineriariartortitsinermut ilinniartitseqqinnermullu siunnersuineq samminerussagaa.
Sisimiuniit apeqquserneqarpoq ilumut KANUKOKA ingerlaqqiinnassanersoq tassami kommuneqarfiit Namminersornerullutik Oqartussanut nammineerlutik isumaqatiginninnialersinnaasussaapput annertunerujussuarmillu pisinnaatitaaffeqalereersussallutik.
Kommunaldirektøriniilli allanit tamanna isumaqatigineqanngilaq, tassami erseqqissarneqarpoq koommuneqarfiit akornanni ataqatigiissaariffimmik pisariaqartitsisoqartoq taamaalillunilu Naminersornerullutik Oqartussanut kimilimmik illua’tungiliuttoqarsinnaalluni.