Kommmuneqarfik Sermersooq aningaasaqarnermut siunnersortinik pisariaqartitsivoq
– Kommunip aningaasarsiornikkut periarfissai isinit
nutaanit, isummiutiinnakkanik inuttullu salliutitsinermik artukkerneqarsimanngitsunit, qimerloortikkusuppakka, Asii Chemnitz Narup Sermitsiamut oqarpoq. – Tassami ataatsimut tapiissutit bloktilskudit qaqugorsuarmut tunniunneqartarnavianngillat, nunamilu illoqarfiit pingaarnersaanni aningaasarsiornermik imminut napatittumik pilersitseqataasariaqarpugut Asii Chemnitz Narup oqarpoq.
Nunarsuarni aningaasarsiornikkut ajornartorsiorneq aamma Kommuneqarfik Sermersuumut sunniuteqarpoq. Aatsitassanik piiaanissamut, suliffinnik nutaanik aningaasarsiorfissanillu nutaanik isumalluarneq qatangiinnarpoq, nunarsuarmi aningaasarsiornikkut ajornartorsiorneq aamma eqquimmat selskabinik piiaaffinnik ammaanissamut pilersaarutiminnik siuarsimasorujussuarnik, aamma Kommuneqarfik Sermersooq eqqorneqarpoq
Asii Chemnitz Narup oqarpoq. Naalagaaffiup ataatsimut tapiissutigisartagaasa isumalluutigiunnaarnissaanut ataatsimiititaliap ikiortussaavaatigut Asii Chemnitz Narup oqarpoq.
